Banc Hadau Lleol

Sut mae'n gweithio

Mae'r prosiect yn dechrau drwy ddewis safleoedd rhoi a derbyn. Yn gyntaf, mae arolwg sylfaenol o'r ddau safle'n cael ei gynnal, fel bod rhestr o'r rhywogaethau hysbys yn cael eu cofnodi ar gyfer y ddau safle.

Mae hadau'n cael eu casglu o'r safle rhoi gan ddefnyddio chwilotwr cynaeafu hadau. Caiff yr hedyn ei sychu a'i wasgaru ar y safleoedd derbyn.

Y gobaith yw y bydd yr hedyn yn gallu ymsefydlu yn y ddôl newydd gan wella'r amrywiaeth o rywogaethau sy'n bodoli yno'n barod a gwerth y ddôl. Drwy wneud hynny, rydyn ni'n gobeithio y gallwn ddarparu cynefin newydd hanfodol ar gyfer ein cacwn a pheillwyr eraill.

Felly os ydych chi'n gwybod lle mae enghreifftiau gwych o ddolydd ni allwn aros i glywed gennych.